حالة كآبة

الظاهر ان اسمى نحس وفيه مشكلة

لما كنت فى التدريب وأسامى أصحابى نزلت فى موضوع وأنالأ قلت عادىتتعوض

الأسبوع ده بقى كنت مستنى موضوعين ينزلوا مش موضوع واحد

موضوع انا عامله لوحدى وموضوع تانى مع واحد صاحبى عن مولد السيدة زينب

استنيت أشوف اسمى منور الجرنان زى اول مرة اللى هى ماحصلتش

وقعدت أتخيل كم الانبهار اللى حيحصل للناس

ورئيس التحرير لما يجى لى ويبوس ايدى عشان أشتغل معاهم على طول

الجرنان نزل

اشتريته

فتحته

ركزت

دورت

دعبست

لقيت

مالقتش حاجة

لقيت ولا حاجة

ولا موضوع من الاتنين نزل

قال ايه

عشان الاعلانات كانت كتيرفطبعا لما يحبوا يحذفوا حاجة مايلاقوش غير المقاطيع اللى بيتدربوا فى الجرنان ومالهمش

ضهر

أنا لازلت عند رأييى اللى قلته قبل كدة

بيحاربونى لما اكنشفوا عبقريتى

خايفين منى لأخليهم كلهم يقعدوا فى بيوتهم

ان شاء الله ربنا يخزيهم وحاقعدهم فى بيوتهم باذن الله

جريدة الفجر .... اذهبى الى الجحيم

حرية التعبير بين الدين والثقافة والسياسة

أقام منتدى حزب الوفد يوم الأربعاء 8 أغسطس ندوة جماهيرية حول حرية التعبير بين الدين والسياسة والثقافة؛تحدث فيها كل من

صلاح عيسى رئيس تحرير جريدة القاهرة،ومحمد سلماوى رئيس اتحاد الكتاب المصريين،وأسامة أنور عكاشة الكاتب والمؤلف ،وعبد المنعم أبو الفتوج أمين عام اتحاد الأطباء العرب وعضو مكتب الارشاد بجماعة الاخوان المسلمين، وأدار الندوة الكاتب وحيد عبد المجيد عضو الهيئة العليا بحزب الوفد

فى البداية أكد الكاتب وحيد عبد المجيد أن موضوع حرية التعبير موضوع قديم ولكن لابد من الحديث فيه كل فترة وأخرى من أجل توسيع هامش حرية التعبير ، حيث أن ماكسبته الحرية نظريا على المستوى السياسى خسرته على المستوى الثقافى ، وأن الندوة سوف تحاول الاجابة على 3 أسئلة هى كيف يمكن التوافق بين حرية التعبير وحرية العقيدة؟ ، وكيف يمكن حماية حرية الابداع الأدبى والفنى ؟ ، وماذا نفعل لتجنب قيود جديدة على حرية التعبير؟

تحدث الكاتب أسامة أنور عكاشة مشبها مصر بأنها موضوعة فى قفص من الجبس يمنع الحركة ، وأن أعضاء الحركة لدى الشعب المصرى تذابلت وتساقطت ، وقال أن رقابة الدولة أرحم من رقابة الهيئات مثل المؤسسات الدينية لأن رقابة الدولة يمكن التحايل عليها ، وأن عملية الابداع فى مصر تحولت الى مايشبه السير على حبال السيرك

ونبه الكاتب أن مصر تعرضت وتتعرض لاجتياح وهابى بكافة مؤسساته ، وأن الوهابيين قد أفلحوا فى وهبنة الأزهر عن طريق استقدام علماء الأزهر فى السبعينات والتأثير عليهم ، وأشاد بالفهم المصرى للاسلام موضحا أن الاسلام المصرى اسلام متسامح يقبل الاخر ووسطى وحذر من تعرضه للهجوم عن طريق الوهابية ، وأنه يحس بالتأثير الوهابى فى عادات وتقاليد المصريين الجديدة ضاربا المثل بالعقيقة

بعد ذلك تحدث الكاتب محمد سلماوى وكان من أبرز ماقاله

ان موضوع حرية التعبير موضوع شائك جدا وله خصوصية-

وأن النظام يفخر بأنه لم يقصف قلما وليست فيه رقابة مباشرة ، مع ذلك نجد أن الحياة فى مصر مصابة بالشلل

و أن هناك فجوة بين حرية التعبير والحركة السياسية ، أى أن من يكتب يكتب فقط وليس من مقدوره أن يغير شيئا أو يصيب هدفا ، فهى حرية تعبير وليست حرية تغيير ، حرية كلام وليست حرية حركة

حرية التعبير غير مسبوقة ولكن الرقابة غير مسبوقة أيضا-

وأن المثقف يتعرض لثلاثة أنواع من الرقابة هى الرقابة الرسمية والرقابة الدينية والرقابة المجتمعية وهو مضطر الى أن يحارب فى ثلاث جبهات فى نفس الوقت

ولابد من الفصل بين الابداع والأخلاق العامة فعندما يرسم أحد الرسامين لوحة لامرأة عارية فهذه ليست أخلاق عامة

!!!!! بل هو فكر وفن

وقام بعض الحضور بالتصفيق

بعد ذلك قام وحيد عبد المجيد بتقديم مداخلة د.عبد المنعم أبو الفتوح معتبرا أنها تمثل رأى الاسلام السياسى فى هذا الموضوع

بعد ذلك تحدث د.عبد المنعم أبو الفتوح معترضا فى البداية على مصطلح الاسلام السياسى ، معتبرا أنه يمثل الاسلام الحضارى لأنه أوسع من الاسلام السياسى

وقام بتعريف الاسلام الحضارى بأنه ذلك الفصيل البشرى الذى يعتمد اليات المجتمع المدنى والتغيير السلمى والديمقراطى ويهتم بالانسان كانسان ويعتبر أن المدخل الى الاصلاح هو الانسان نفسه ، وأن أساس التقدم لأى مجتمع هو الانسان

تطرق د . عبد المنعم الى مصطلح الابداع موضحا أن الابداع حالة استثنائية وكونه حالة استثنائية يستلزم عدم فرض أى قيود عليه

موضحا أن الابداع يجب أن يكون حالة من حالات التغيير فى المجتمع وليس الابداع للابداع ، ويجب فى البداية ترك حرية الابداع بدون أى قيود أما طريقة التعامل مع ما ينتجه هذاالابداع فهذه مسألة أخرى

مؤكدا أن هناك قيودا فى كل المجتمعات حتى اكثرها تقدما وهذا ليس عيبا على الاطلاق

وتساءل أبو الفتوح أين البحث العلمى وميزانيته فى مصر ؟ معتبرا أن ذلك الأمر أخطر بكثير من بعض المهووسين الذين لا يمثلون الاسلام الذين أحدثوا حالة من الاشتباك الوهمى بين الاسلام والثقافة والابداع

فالأساتذة تحولوا الى اعطاء دروس خصوصية بدلا من استغلالهم فى البحث العلمى ، معتبرا أن البحث العلمى من أهم العوامل فى نهضة الأمم

وضرب مثالا على ذلك بالغزو الأمريكى للعراق واستهدافه للعلماء والعقول العراقية اما عن طريق التهجير أو القتل

وتساءل أبو الفتوح هل الطالب الذى يتخرج من كلية العلوم ثم يعين كاتبا فى محكمة أليس فى هذا قتلا وتطفيشا للمبدعين؟

وضرب مثالا لحرية التعبير فى التاريخ الاسلامى موضحا أن كبار الأئمة كانوا يعيشون جنبا الى جنب مع الزنادقة ويتحاورون بينهم وبين بعضهم

عقب وحيد عبد المجيد بعد هذه المداخلة متمنيا أن تكون هذه هى الرؤية السائدة فى التيار الاسلامى فى هذه القضية

فى الختام تحدث الكاتب صلاح عيسى ، وكان من أبرز ما قاله مايلى

نحن لدينا مشكلة تتعلق فى توهم البعض احتكار الايمان والوطنية والصواب-

وأن هناك حرية تعبير ولكنها حرية عرفية ، تقوم على سماحة الحاكم وليس على قوانين ثابتة ، فهناك قوانين كثيرة سائدة من الممكن أن تقوم بحبس الصحفيين ولكنها معطلة ولكن تظهر فى الوقت المناسب من أجل من يراد تأديبه

أن الأزهر جامعة لتدريس علوم الدين وليس سلطة دينية-

أن اختلاف العلماء رحمة لذلك لا يجب توحيد الفتوى-

و أن الألفاظ البذيئة والمشاهدالجنسية فى الروايات هى استغلال الحرية لمحاولة القضاء عليهاوليست حصافة من صاحبها

وانتقد موقف الأزهر من روايتى أولاد حارتنا ووليمة لأعشاب البحر وتساءل كم شخص كفر بعد قراءتها ؟ لا أحد

وتطرق الى قانون الارهاب الجديد ودعا الى العمل على عدم استغلاله لانتهاك الحريات

وهنا تدخل الكاتب أسامة أنور عكاشة ورد عليه قائلا (لن يستجيب أحد و سيصدر القانون مثلما يريدون )ا

بعدها استأذن أبو الفتوح وأسامة أنور عكاشة فى الانصراف لانشغالهما وفتح الباب لمداخلات الحضور

وحدثت مشادة خفيفة بين وحيد عبد المجيد وأحد الحضور بسبب قوله أن أسامة أنور عكاشة كافر

وعبر أحد الحاضرين عن دهشته من تخاذل الأحزاب جميعها عن التضامن مع خيرت الشاطر المحال هو ومجموعة من قيادات الاخوان المسلمين الى المحاكمة العسكرية موضحا ان هناك تمييزا فى موضوع حرية التعبير

وأن هناك فرقا بين رقابة المجتمع ورأى المجتمع فمن حق المجتمع ابداء اعتراضه على مايسىء اليه ، ليس مصادرته ولكن من حقه ابداء رأيه وهذا من حرية التعبير أيضا

هذا ومن الجدير بالذكر أن منتدى حزب الوفد يعقد ندوة أسبوعية كل أربعاء فى الساعة الثامنة مساء بمقر حزب الوفد

والدعوة مفتوحة

دنشواى كمان وكمان

هاقد أتى انجاز عظيم اخر فى عصر الكبارى والأنفاق والبنى التحتية؛فمن عظمة هذا العصر أن التاريخ يعيد نفسه

ولكن هذه المرة يقوم المصريين أنفسهم بلعب دور الانجليز

فقد قتل أحد الأثرياء فى قرية دنشواى صاحبة الحادثة الشهيرة أحد الأشخاص وأصاب أكثر من 50 اخرين

بعد اعتراض الأهالى على محاولة تركيبه محطة تقوية لاحدى شبكات المحمول أعلى منزله بسبب أضراراها الصحية عليهم؛ طبعا بعدما أخذ موافقة من جهاز البيئة بالمحافظة بأن انشاء تلك المطة لن يؤثر على صحة المواطنين

طبعا فالناس ليس لهم ثمن المهم انه دفع المعلوم وكله يشبرق نفسه على رأى الكاتب بلال فضل

وقامت الشرطة بمحاصرة القرية وفرقت الأهالى بقنابل الدخان؛ لم يبقى غير أن تعقد محاكمة لأهالى القرية لاعدام 4 اخرين وجلد وسجن الباقى حتى تتكرر الحادثة بحذافيرها

فقد تسبب مقتل 4 مصريين فقط من قرية دنشواى فى عزل اللورد كرومر من منصبه؛هذا وأدعو الله عز وجل أن تكون هذه الحادثة تكرارا للتاريخ حتى نهايتها (العزل يعنى)ولكنى أستبعد هذ ففى المرحلة الثالثة من انتخابات مجلس الشعب عام 2005 قتلت الشرطة 12 مواطنا(يعنى دنشواى × 3)ولم يتحرك أحد

المواطن المصرى كانت له قيمة حتى أيام الاحتلال أما فى هذا العهد فلا يسوى تعريفة

فقد اعتاد هذا الثرى التعدى على الأهالى واهانتهم داخل المسجد وضرب أحدهم بالكرباج ذات مرة؛ وهو مايذكرنا بأفعال الاقطاعيين أيام زمان

ولكن هذه المرة الاقطاعى ليس تركيا أو انجليزيا بل هو مصرى النيل رواه والخير جواه

بتحصل فى أحسن العائلات

كل ماتحصل مصيبة فى البلد تلاقى الطبالين والزمارين يقولوا لك يا أخى هو ده بيحصل عندنا بس؛ ده بيحصل فى كل حتة وفى أحسن العائلات وماحش أحسن من حد

زى قانون الارهاب يقولوا (ماهى فرنسا عندها قانون ارهاب) طبعا قانون ارهابهم مش زى قانون ارهابنا خالص

ارهابهم فرنسى رقيق بسكوتة ياعينى عشان كدة تلاقى قانونهم رقيق

أما ارهابنا فقادم من بولاق وامبابة وشبرا عشان كدة لازم قانون ارهاب يديله بالجزمة

المشكلة انهم ماسابوش دولة الا واستشهدوا بيها حتى بولندا كأن بولندا دى دولة عظمى وقدوة واخر حلاوة ولازم نتبعها

اخر نكتة بقى كانت من المغربى وزير الاسكان اللى قال ان مفيش أى دولة فى العالم بتوفر مياه الشرب ل100%من مواطنيها وده كان رد على مظاهرات العطش اللى فى كل حتة فى مصر

طيب

أولا:اذا سلمنا باللى بتقوله برضه مفيش دولة ماتوفرش مياه الشرب لملايين من الشعب لعشر سنين وأكتر

لدرجة ان فلاحين البرلس خرجوا وقطعوا الطريق للاحتجاج على عدم وجود مياه للشرب لسنين طويلة

ناس بقالها 10 سنين ماعندهاش مية هو ده بيحصل فى أى دولة فى العالم ولا حتى خرابة

ثانيا: مادام الحكاية كدة زى مابتقول؛ ليه بقى بتقرفونا كل شوية بحكاية البنية الأساسية الجبارة اللى اتعملت وعمالين تعايرونا بالبنية التحتية والفوقية والوسطية اللى ماحصلتش اللى اتعملت فى العهد المبارك المنيل ده

كل ماتنتقد حاجة فى البلد يطلع لك واحد بقرنين يقول لك (يا أخى كفاية الكبارى والأنفاق ومحطات الشرب والصرف الصحى اللى اتعملت

كأنها معجزة لم يأت بها الأولون والأخرون وكأن ده شىء خارق ؛طب ماهو ده المفروض ان ده بيحصل فى أى بلد معفن؛واتضح كمان ان حكاية البنية الأساسية دى واسعة حبتين؛ والناس عمالة تموت من المية الملوثة اللى بتشربها؛ومية المجارى مالية الشوارع والناس كل يوم بتموت فى حوادث الطرق بسبب الطرق التعبانة

ماتبقاش غير الكبارى والأنفاق؛ يارب يخليهم لهم ويتربوا فى عزهم

كل شىء فان؛ وتبقى الكبارى

مكة والعمرة وأشياء أخرى

إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِّلْعَالَمِينَ .فِيهِ آيَاتٌ بَيِّـنَاتٌ مَّقَامُ إِبْرَاهِيمَ وَمَن دَخَلَهُ كَانَ آمِنًا وَلِلّهِ عَلَى

لنَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً وَمَن كَفَرَ فَإِنَّ الله غَنِيٌّ عَنِ الْعَالَمِينَ

حاكتب النهاردة عن زيارتى لمكة وأدائى العمرة اللى انتهت بنيولوك جديد ليا أهو

نيولوك على نضافة

ان شاء الله النيولوك يكون من برة ومن جوة كمان وان ذنوب الواحد تكون انمحت

عشان الواحد يبدأ من جديد على نضافة

أول ماتدخل الحرم تحس برهبة ودى مش غريبة لأن مكة مش بيت الله الحرام بس لاء دى كمان مركز الكرة الأرضية ومركز المغناطيسية برضه

فسبحان الله

أن تكون أقرع

أحسن حاجة فى ان انت تكون أقرع أن الحلاقة دى بتخلى الجو طراوة وتريحك من تسريح شعرك كل شوية

ناس كتير أوى

الواحد انبهر بتنوع الجنسيات الرهيب اللى فى مكة

ناس من كل حتة جايين لهدف واحد بسانهم يزوروا الكعبة والمسجد الحرام وكمان عشان الصلاة الواحدة فى المسجد بمائة ألف صلاة

دى دعوة سيدنا ابراهيم مستمرة لحد دلوقتى

ثلاث قرعات مع بعض

الفضيحة

روحت أشترى طاقية قطن لراسى حصلت فضيحة

مفيش أى طاقية راضية تدخل عليا كله ضيق على راسى

أصل راسى كبيرة شويتين تلاتة زى مانتو شايفين

حاولت كتير أنا أحاول والبايع يضحك عليا

أنا أحاول وهو يضحك

بالعند اشتريت واحدة واتصورت بيه صورة واحدةا بعد ما دخلتها بصعوبة فى راسى عشان أثبت ان راسى راس طبيعية

ومالبستهاش تانى

مفيش غير حاجة واحدة بس هى اللى ضايقتنى وأنا فى مكة

ان الفندق اللى كان جنبنا كان اسمه "فندق قصر مبارك" قلت فى نفسى حتى هنا مش عايز تسيبنا وكمان قصر مبارك

مش مبارك لوحده حتى

حتى هما؟

واحنا بنطوف كنا بندعى ان ربنا يزيد البيت الحرام مهابة

وكنا بندعى للناس اللى بتزيده مهابة

فكرت كدة قلت يعنى هما ملوك السعودية بيجددوا فى الحرمين يعنى بيويدوه مهابة يعنى أنا كدة بادعى لهم

قلت فى نفسى يلا أهو يمكن ربنا يهديهم واهى دعوة وخلاص

الصلاة على الأموات

عد كل صلاة كنا بنقوم نصلى على الأموات اللى ماتوا فى مكة

يابختهم كل الناس دى بتصلى عليهم وفى المسجد الحرام كمان

ان شاء الله كل ذنوبهم تتغفر

أما المصريين هناك كتير أوى تلاقيهم فى كل حتة

سألت نفسى مادام كل دول مؤمنين وحريصين يعملوا عمرة

أمال مين اللى بيرتشى ويظلم ويسرق

غالبا هما نفس الناس

بس تلاقيهم بيبرروا لنفسهم ويقولوا أصل ده أكل عيش

أو بيقولوا دى حاجة ودى حاجة

السرقة حاجة والعمرة حاجة

مع انه عشان أكل عيش المفروض يبقى حلال

!!!أو بيسرقوا عشان يطلعوا العمرة

أو بيقولوا كله بيسرق اشمعنى احنا

النوعية دى من الناس تلاقيها فى شغلها تاخد رشاوى من الناس عشان يخلصوا لهم شغلهم وبعد كدة يروحوا الجامع يصلوا الفرض وتلاقيهم مش بيفوتوا فرض

وبعد كدة يتكلموا عن الحرامية الكبار اللى ناهبين البلد مع انهم هما كمان ناهبين البلد وحرامية زيهم

أنا واثق ان لو حد تانى حكم البلد دى حيعمل أكتر من مبارك

حيسرق أكتر ويظلم أكتر ويعمل كل حاجة أكتر من دلوقتى

لأن العيب فينا احنا

ادخلوا المستشفيات الحكومية واتفرجوا على اللى بيحصل فيها

هو مين اللى بيهمل ويعامل المرضى بقلة أدب ويسيب الناس لحد ماتموت

مش مواطن مصرى وممكن تلاقيه بيصلى ويصوم وممكن كمان تلاقيه برضه بيتكلم عن الحرامية الكبار اللى ناهبين البلد

مع انه هو نفسه وأمثاله اللى فى كل حتة فى مصر أكبر سبب للوكسة اللى احنا فيها دلوقتى

لأنه شعب بيخاف من خياله

هو مين اللى بيزوز الانتخابات

مش الناس الكبيرة بس

الموظفين اللى ماسكين الصناديق هما اللى بيقوموا بالشغل كله ويقولك أنا مالى ياعم أنا عندى عيال عايز أربيهم

والبلد دى بلدهم يعملوا فيها اللى هما عايزينه

مع ان ربنا كدة عمره ماحيبارك لك فى أولادك ولا فى تربيتهم

لأنك سكت عن الحق والساكت عن الحق مش شيطان بس لا ده شيطان أخرس كمان

ماحدش فكر فى وصف شيطان كله بيركز على كلمة أخرس

مع ان شيطان دى هى المقصودة

شيطان يعنى أسوأ المخلوقات.. وأشر مخلوق على وجه الأرض.. حتى لو انت كويس على طول وبتصلى

مجرد ماتشوف حق وتسكت عليه تتحول لشيطان وأخرس كمان

وتبقى مشارك فى الجريمة

عشان كدة احنا نستاهل اللى احنا فيه

الرسول عليه الصلاة والسلام بيقول

أينما تكونوا يول عليكم

احنا نستاهل مبارك لحد ما نغير نفسنا

لحد مانبطل رشاوى واكراميات

لحد ما نتكلم ونصرخ لما نشوف غلط ومانسكتش

لحد ما نوقف الاهمال اللى فى كل حتة..لحد ماكل واحد يفكر فى البلد مش فى نفسه

لحد ماتبقى الصلاة والصوم دافع للاصلاح والتغيير والتقدم

وتبقى بتنهى عن الفحشاء والمنكر فعلا

الرسول عليه الصلاة والسلام بيقول..من لم تنهاه صلاته عن الفحشاء والمنكر فلا صلاة له

يعنى طول مانت بتصلى وتصوم وفى نفس الوقت ترتشى و وتاخد فلوس حرام وتسكت عن الحق

عمر ما حيكون ليك صلاة أبدا ولا ربنا حيقبل منك أى حاجة أبدا لا صوم ولا زكاة أبدا

لأن الدين مابيتجزءش

يلا نكمل رحلتنا فى مكة

عندهم زى عندنا

فى مكة فى بياعين بيفرشوا على الأرض بيبيعوا بضاعة للمعتمرين كلهم أفارقة عرفت انهم كانوا عبيد جايبينهم من أفريقيا ودلوقتى لا هما عارفين ياخدوا الجنسية ولا عارفين يرجعوا بلدهم

والشرطة كل شوية تطاردهم وتجرى وراهم

زى البلدية عندنا كدة

البايع يبقى حاطط بضاعته ومستعد فى أى وقت انه يجرى

غلابة والله

روحنا حجر اسماعيل وصلينا فيه

وحجر اسماعيل ده جزء جنب الكعبة اللى يصلى فيه كأنه صلى فى الكعبة

روحنا بعد كدة مسكنا الكعبة ودعينا

الحمدلله دعيت لكل الناس اللى كلفونى بالدعاء لهم

طلعت من الحرم لقيت بيتزا هت وكنتاكى فاتحين فى وش الحرم على طول

حتى مش سايبين الحرم فاتحين أدامه على طول

يلا مش مهم

ان شاء الله تكون عمرة مقبولة ويارب تتكرر تانى

تسقط جريدة الفجر

الأسبوع اللى فات كنت مستنى أول موضوع صحفى ينزل لى فى جريدة الفجر اللى أنا باتدرب فيها أناومجموعة

كان تحقيق عن انتشار شرب الحشيش بين طلاب المدارس

استنيت العدد وأنا متوقع أشوف اسمى بينور الجرنان

اشتريت العدد ولقيت الموضوع فعلا

بابص على الموضوع لقيت مفاجأة

أسامى زمايلى نازلة وأنا اسمى مش مكتوب

ايه اللى حصل

لقيت صاحبى بيقولى انه سأل الباز والباز قال له معلش الجايات أكتر

من الرايحات

وان هى غلطة مش مقصودة

أنا طبعا مش مقتنع بالكلام ده

تفسيرى للموضوع انه لما شاف الشغل اللى أنا عملته انبهر بعبقريتى

وتوقع انى حابقى زى محمد حسنين هيكل أو أكتر شويتين

وخاف انى أهدد مكانه بعبقريتى النادرة

عشان كدة ابتدى يحاربنى من دلوقتى ويقطع عليا

صحيح عدوك ابن كارك

يلا ان شاء الله تتعوض وربنا يخزى كل الحاقدين وأعداء النجاح

حكاية عباس

عباس وراء المتراس

يقظ منتبه حساس

منذ سنين الفتح يلمع سيفه ،

ويلمع شاربه أيضا، منتظرا محتضنا دفه،

بلغ السارق ضفة،

قلب عباس القرطاس،

ضرب الأخماس بأسداس

، بقيت ضفة

لملم عباس ذخيرته والمتراس،

ومضى يصقل سيفه ،

عبر اللص إليه، وحل ببيته،

أصبح ضيفه

قدم عباس له القهوة، ومضى يصقل سيفه ؛

صرخت زوجة عباس:

ضيفك راودني، عباس ،

قم أنقذني ياعباس،

أبناؤك قتلى، عباس،

عباس ــ اليقظ الحساس ــ منتبه لم يسمع شيئا ،

زوجته تغتاب الناس

صرخت زوجته : "عباس، الضيف سيسرق نعجتنا،

قلب عباس القرطاس ، ضرب الأخماس بأسداس ،

أرسل برقية تهديد،

فلمن تصقل سيفك ياعباس

وقت الشدة؟

إذا، اصقل سيفك ياعباس

عباس يستخدم تكتيكاً جديداً

عباس شد المخصرة

ودس فيها خنجره

واستعد للجولة المنتظرة

اللص دق بابه

اللص هدّ بابه

وعابه وانتهره

يا ثور أين البقرهْ؟

عباس دس كفه في المخصره

واستل منها خنجره

وصاح في شجاعة:

في الغرفة المجاورة

اللص خط حوله دائرة

وأنذره

إياك أن تُجاز هذي الدائرهْ

علا خوار البقرة

خفت خوار البقرة

خار خوار البقرة

ومضى اللص بعدما قضى لديها وطره

وصوت عباس يدوي خلفه

فلتسقط المؤامرة

فلتسقط المؤامرة-

:عباس

والخنجر ما حاجته؟

ينفعنا عند الظروف القاهرة-

وغارة اللص؟-

قطعت دابره-

ألم تشاهدوني وقد غافلته

!واجتزتُ خط الدائرة

أحمد مطر