الأسبوع اللى فات كنت مستنى أول موضوع صحفى ينزل لى فى جريدة الفجر اللى أنا باتدرب فيها أناومجموعة
كان تحقيق عن انتشار شرب الحشيش بين طلاب المدارس
استنيت العدد وأنا متوقع أشوف اسمى بينور الجرنان
اشتريت العدد ولقيت الموضوع فعلا
بابص على الموضوع لقيت مفاجأة
أسامى زمايلى نازلة وأنا اسمى مش مكتوب
ايه اللى حصل
لقيت صاحبى بيقولى انه سأل الباز والباز قال له معلش الجايات أكتر
من الرايحات
وان هى غلطة مش مقصودة
أنا طبعا مش مقتنع بالكلام ده
تفسيرى للموضوع انه لما شاف الشغل اللى أنا عملته انبهر بعبقريتى
وتوقع انى حابقى زى محمد حسنين هيكل أو أكتر شويتين
وخاف انى أهدد مكانه بعبقريتى النادرة
عشان كدة ابتدى يحاربنى من دلوقتى ويقطع عليا
صحيح عدوك ابن كارك
يلا ان شاء الله تتعوض وربنا يخزى كل الحاقدين وأعداء النجاح
هناك ٦ تعليقات:
السلام عليكم ورحمة الله وبركاتة
فعلا
لتسقط جريدة الفجر
بس هو خاف منك فعلا فقال انافسة من دلوقتى
الدور دلوقتى عليك بقى انك تقوم بحركة فجائية وتفجر جريدة الفجر دة
يلا مش مهم
ان شاء الله تبقى صحفى احسن منة بكتيير مع شكى فى الباز انة مش صحفى اساسا او واخدها بالكوسة
يلا سلام عليكم
بن طلحة حبيبى
فى ناس كتير رأيهم زى رأيك بخصوص الباز
وانا متفق معاك فى حاجات كتير بخصوص شخصيته
لكن اهو كويس انه بيدى فرصة للتدريب والنشر رغم مساوؤه
بالصلاتو ع النبي نقولو
ما كان من الاول يا بني
انت اللي مش عايز تسمع نصيحة عمك الكبير اوي احمد بن شلبي
بس يللا
مصير الايام تعلمك وتقرص من ودنك
وبعدين ايه موضوع هيكل ده
يللا هش ياض
انت اخرك بياع جرايد بالقطاعي
طبعا انا بهنزر
خلي هدفك الاساسي وصول مواضيعك وافكارك للناس
وتلقائيا حتلاقيك بقيت هيكل - مع انها كبيرة شوية - بس الاحلام مش بفلوس
وسلملي على ام مصطفى وعيالها
تصدق جيت فى وقتك لسه بتخانق مع مراتى عشان ماجبناش لحمه ولما شفنا كلامك ضحكنا بس ممكن تضحك الاولاد وتنسيهم اللحمه
تصدق جيت فى وقتك لسه بتخانق مع مراتى عشان ماجبناش لحمه ولما شفنا كلامك ضحكنا بس ممكن تضحك الاولاد وتنسيهم اللحمه
إرسال تعليق