الظاهر ان اسمى نحس وفيه مشكلة
لما كنت فى التدريب وأسامى أصحابى نزلت فى موضوع وأنالأ قلت عادىتتعوض
الأسبوع ده بقى كنت مستنى موضوعين ينزلوا مش موضوع واحد
موضوع انا عامله لوحدى وموضوع تانى مع واحد صاحبى عن مولد السيدة زينب
استنيت أشوف اسمى منور الجرنان زى اول مرة اللى هى ماحصلتش
وقعدت أتخيل كم الانبهار اللى حيحصل للناس
ورئيس التحرير لما يجى لى ويبوس ايدى عشان أشتغل معاهم على طول
الجرنان نزل
اشتريته
فتحته
ركزت
دورت
دعبست
لقيت
مالقتش حاجة
لقيت ولا حاجة
ولا موضوع من الاتنين نزل
قال ايه
عشان الاعلانات كانت كتيرفطبعا لما يحبوا يحذفوا حاجة مايلاقوش غير المقاطيع اللى بيتدربوا فى الجرنان ومالهمش
ضهر
أنا لازلت عند رأييى اللى قلته قبل كدة
بيحاربونى لما اكنشفوا عبقريتى
خايفين منى لأخليهم كلهم يقعدوا فى بيوتهم
ان شاء الله ربنا يخزيهم وحاقعدهم فى بيوتهم باذن الله
جريدة الفجر .... اذهبى الى الجحيم
هناك ٥ تعليقات:
ارمى حمولك على الله يابو اوس اوس
لو ربنا رايدلك خير هيحصل لو مش رايد مش هيحصل
يلا سلام عليكم
بص يا اسامة ..
عادي بتحصل .... انا برده وانا بشق طريقي للمجد والعظمة ممتشقا سيف العزم حاملا لواء الهمة سائرا في طريق القمة ... تواجهني العقبات ... لكن الدبابير تزن الناموس يقرص
لغاية لما وصلت للدرجة اللي انا عليها من العظمة والفهم والثراء
يعني مش يجيلك احباط
اتعلم مني
:D
:D
:D
عادة يا أخ أسامة ياللى من عائلة الرشيدى أشهر عائلات اسكندرية طيب دانا شفت صحفى كده مشهور من عائلتكم دأنت المفروض يعينوك رئيس تحرير الفجر مش ميردوش ينزلوا موضوعك أنت من حقك تحتج وأنا كمان من حقى احتج واحنا كلنا من حقنا نحتج، وتبقى البروتست مارش الكبيرة اللنكسر فيها جورنال الفجر انشاء الله
والله من وراء القصد
مشكلةفعلاوعلشان تحلها لازم تفكر في حلول حاقترح عليك بعضها
- تشتغل في الاعلانات
- تغير اسمك
- تغير وظيفتك
تحياتي
كس امك يا اسامة وانت مين يعني تلائيك خول عشان كدة بعباصوك ومشوك
هههههههههههههه
إرسال تعليق